L'Autor

Enrique Carballeira Melendi, Infiestu, 1970

Escritor, ilustrador y periodista. 

Espublizó decenes de llibros infantiles de munchos temes. Colaboró con diferentes editoriales, tanto como escritor como ilustrador, formando equipu con otros autores desendolcando proyectos lliterarios.

Los sos llibros foron espublizaos por editoriales como Galaxia (Galicia), Edebé (Cataluña), Cilegio y Condaghes (Italia), Lanua (Madrid), Bookyachay (Perú), Lastura (Toledo), Jade Publishing y Picpocket Books (Estados Unidos), Academia de la Llingua, Editora del Norte, Ámbitu, VTP, Trabe y Asturtoons (Asturies).

Trabayó como ilustrador en proyectos como los llibros de testu de llingua asturiana y cultura asturiana coles editoriales Editora del Norte y VTP.  

Tamién colaboró na ilustración de cartelos, videoxuegos y animación.

EN 2014 llogró'l premiu Alfonso Iglesias de cómic de la Conseyería de Cultura del Principáu d'Asturies.

Creó diferentes personaxes pal cómic y la lliteratura infantil. Ente los que tán Nardo, Quina y los Chones, l'asturcón Lotu, Los neandertales Tulo y Sidronucu, Los Urriellu y L'Ablanera.

Realiza l'espaciu de cuentos y animación "Cuentos de Trazu Sueltu", pal canal de televisión online PlayPresta.